Krokketfeide

Vi spelte krokket på plenen i går, og det blei ein god krokketfeide. Eg vann to av tre gonger, så eg treng ikkje finne fram bankebrettet mitt. C. klinka meg inn under rosebusken, men eg kom meg raskt ut att. M. hamna inne ved komposthaugen og blei der ei stund. S. spelte krokket for første gong, men vann siste runde.

Og eg tenkjer på kor fint det er, berre det å slå av ein prat med folk ein bryr seg om, dei ein virkelig bryr seg om, dei ein ikkje har sett på ei stund, anten det er i hagen med eit krokketspel, på ein joggetur, på brygga ved Bjørnsgard, eller ved eit kjøkenbord, og at dei har det bra, at dei kjem seg gjennom livet, framleis er der, og at at det er ganske fint, berre det å slå av ein prat, berre det å prate med folk ein bryr seg om.